काठमाडौं। जिल्लाको अदानचुली गाउँपालिकाको अध्यक्षमा कांग्रेसका मोहनविक्रम सिंह र उपाध्यक्ष माओवादी केन्द्रका कर्ण रोकाया विजयी भएका छन्।
एमालेको गढकारुपमा लिइने अदानचुलीमा गठबन्धनले भत्काइदिएको हो। एमालेका केन्द्रीय सदस्य तथा निर्वतमान गाउँपालिका अध्यक्ष दल फडेरा पराजित भएका हुन्। सिंहले १९६८ मत ल्याएर विजयी हुँदा फडेराले १३२९ मत ल्याएका हुन्। यस्तै उपाध्यक्षमा माओवादी केन्द्रका कर्णाली प्रदेश कमिटी सदस्य कर्ण रोकायाले १९९६ मत ल्याएर विजयी भए।
उनका निकटतम प्रतिस्पर्धी स्वतन्त्र उम्मेरदवार लोकेन्द्र भण्डारीले १००६ मत प्राप्त गरे। नेकपा एमालेको गढका रुपमा चिनिएको अदानचुलीमा पहिलो पटक एमाले पराजित भएको हो। ६ वटा वडा भएको गाउँपालिकामा ४ वडामा माओवादीले जितेको छ भने एमाले र एकीककृत समाजवादीले एक–एक वडा जितेका छन्।
प्रतिक्रिया