काठमाडौं। देशभरका निर्वाचन अधिकृतको कार्यालयमा उमेद्वारहरुले मनोनयनपत्र ४८ हजार १९७ दर्ता गराएका छन्।देशभरका २९३ नगरपालिका छन्। निर्वाचन आयोगको विवरण अनुसार १ हजार ६५७ जनाले प्रमुख मेयर पदमा मनोनयन दर्ता गराएका छन्।
उपप्रमुख ९उपमेयर पदमा ९७५ जनाको मनोनयन परेको छ। त्यसैगरी कुल ४६० गाउँपालिकाको अध्यक्ष पदमा १ हजार ६१० जनाले मनोनयनपत्र दर्ता गराएका छन्। १ हजार ५० जनाले उपाध्यक्षमा मनोनयनपत्र दर्ता गराएका छन्। ७ हजार ६९३ जनाले महिला सदस्य पदमा उमेद्वारी दिएका छन् भने ६ हजार ७११ जनाले दलित महिला सदस्य पदमा उमेद्वारी दिएका छन्। यस्तैं ५ बजेसम्ममा लाइनमा बसेकाहरुले उम्मेदवारी दर्ता गराउने पाउने भएकाले यो संख्या बढ्ने निर्वाचन आयोगले जनाएको छ।
स्थानीय तहको प्रमुख पदमा उमेद्वारी दिनेको संख्या २ हजार ७२१ पुगेको छ । उपप्रमुख पदमा उमेद्वारी दिनेको संख्या १ हजार ६०६ छ। देशभरका कुल ६ हजार ७४३ वडाको वडाध्यक्ष पदमा १२ हजार ३१२ जनाले मनोनयन दर्ता गराएका छन् । वडा सदस्यमा मनोनयन गर्नेको संख्या १२ हजार ५१७ छ।
प्रतिक्रिया