Developed By Kuldeep Sharma

May 1, 2022

एमाले तीनै तहका सरकारमा पुनःस्थापित हुन्छ : ओली

काठमाडौँ। नेकपा एमालेका अध्यक्ष केपी शर्मा ओलीले आफ्नो पार्टी तीनै तहको सरकारमा पुनःस्थापना हुने दाबी गरेका छन्। अन्तर्राष्ट्रिय मजदुर दिवसका अवसरमा आइतबार बिहान शुभकामना सन्देश जारी गर्दै ओलीले यही वैशाख ३० गते हुने स्थानीय तहको निर्वाचन तथा आगामी संसदीय निर्वाचनबाट एमाले पुनः तीनै तहका सरकारमा पुग्ने जिकिर गरेका हुन्।

ओलीले सन्देशमा भनेका छन्, ‘आसन्न स्थानीय तहको र निकट भविष्यमा आउने संसदीय निर्वाचनबाट जनताको बलियो समर्थनसहित नेकपा एमालेलाई तीनै तहका सरकारमा पुनर्स्थापना गर्दै हामी राष्ट्रको यस अभिभारालाई पूरा गर्ने छौं।’

यस क्रममा उनले संवैधानिक संस्थाहरूलाई असंवैधानिक रुपमा दुरुपयोग गरी एमालेलाई सरकारबाट हटाइएको दाबी पनि गरेका छन्।

‘यसले सम्मानित, सुरक्षित श्रम जीवन, स्वस्थ नागरिक, सीपयुक्त नागरिक, मर्यादित काम र सामाजिक सुरक्षातर्फ केन्द्रित हाम्रा पाइलामा अवरोध पुर्यायो’, उनले भनेका छन्।

यो खबर पढेर तपाईलाई कस्तो महसुस भयो ?

प्रतिक्रिया

TOP

Developed By Kuldeep Sharma