मोटरसाइकल दुर्घटनामा तीन जनाको मृत्यु, एकको सनाखत

काठमाडौं। धनुषाको क्षिरेश्वरनाथ नगरपालिकामा भएको मोटरसाईकल दुर्घटनामा तीन जनाको मृत्यु भएको छ।

क्षिरेश्वरनाथ नगरपालिका ५ स्थित भित्री सडक खण्डमा रोकिराखेको ना। २ ख ८६२४ नम्बरको ट्रक र लु। ८३ प ८६५२ नम्बरको सवार मोटरसाइकल ठोक्किदाँ मोटरसाईकलमा सवार तीन जनाको घटनास्थलमै मृत्यु भएको धनुषा प्रहरीका प्रबक्ता एवं डीएसपी जितेन्द्रकुमार बस्नेतले जानकारी दिएका छन्। मृतकमध्ये जनकपुरधाम उपमहानगरपालिका ४ का २० वर्षीय सुमित भिण्डेबालको मात्रै सनाखत भएको छ ।

अन्य २ जनाको भने सनाखत हुन बाकी रहेको साथै मृतक तीनै जनाको शवलाई पोष्टमार्टमका लागि जनकपुरधामस्थित प्रादेशिक अस्पताल ल्याइएको धनुषा प्रहरीका प्रबक्ता बस्नेतले बताएका हुन्।