हप्तामा दुई दिन बिदा दिने सरकारको निर्णय

काठमाडौं । पेट्रोलियम पदार्थको खपत घटाउन सरकारले हप्तामा दुई दिन सार्वजनिक बिदा दिने निर्णय गरेको छ। मंगलबार बसेको मन्त्रिपरिषद्‌को बैठकले उक्त निर्णय गरेको हो।

सरकारका प्रवक्ता समेत रहेका सूचना तथा सञ्चार प्रविधि मन्त्री ज्ञानेन्द्र बहादुर कार्कीले जेठ १ देखि लागू हुनेगरी बिहान ९ बजेर ३० मिनेटदेखि साँझ साढे ५ बजेसम्म कार्यालय समय कायम गर्ने निर्णय भएको पनि जानकारी दिए।

मन्त्रिपरिषद्को निर्णयमा भनिएको छ, ‘हाललाई परीक्षणको रुपमा २०७९ जेठ १ देखि लागू हुने गरी बिहान ९:३० बजे र साँझ ५:३० सम्म कार्यालय कायम गर्ने। शनिबार र आइतबार सातामा दुई दिन सार्वजनिक बिदा दिने।’नेपाल आयल निगम समेतको सुझावको आधारमा मन्त्रिपरिषद्‍मा यो विषय विचाराधीन रहेकामा हाल निर्णय गरिएको हो।