पाल्पा। तिनाउ गाउँपालिका–५ चर्चरेमा जीप दुर्घटना हुँदा एक जनाको मृत्यु भएको छ भने दुईजना घाइते भएका छन्।
बुटवलबाट पाल्पाको रामपुरतर्फ आइरहेको लु १ च ७७८० नम्बरको डबल क्यापको बोलेरो जीप दुर्घटना हुँदा रामपुर–३, का ४२ वर्षीय सूर्यप्रसाद श्रेष्ठको मृत्यु भएको हो।
जिल्ला प्रहरी कार्यालय पाल्पाका अनुसार दुर्घटनामा जीप चालक खेमबहादुर खाम्चा र रामपुर–३ बस्ने टुकनारायण श्रेष्ठ घाइते भएका छन्।
घाइतेमध्ये श्रेष्ठको अवस्था गम्भीर छ। उनको लुम्बिनी मेडिकल कलेजमा उपचार भइरहेको छ।
जीप सडकदेखि तीन सय मिटर तल खोलामा खसेको छ।
प्रतिक्रिया