असार ३१, काठमाडौं
भौतिक पूर्वाधार तथा यातायातमन्त्री प्रकाश ज्वालाले एमालेले धुप बत्ति बाल्दैमा गठबन्धन नढल्ने बताएका छन् ।
आइतबार जनकपुरधाम पुगेका मन्त्री ज्वालाले सञ्चारकर्मीहरूसँग कुरा गर्दै अहिलेको सत्ता गठबन्धन बलियो भएकाले कसैले चाहँदैमा नढल्ने दाबी गरेका छन् । उनले नेकपा एमालेप्रति लक्षित गर्दै गठबन्धन ढलोस् भनेर धुप, बत्ती बाल्दैमा गठबन्धन नढल्ने टिप्पणी गरे ।
उनले प्रतिगमनका विरुद्धमा एकजुट भएर सडकदेखि अदालतसम्म लडेका शक्तिहरू एक ठाउँमा रहेको उल्लेख गर्दै गठबन्धन ढाल्ने सपना नदेख्न आग्रह गरे । उनले गठबन्धन ढालेर केही पाइहाल्छौँ कि भन्ने आशा गर्नेहरूलाई आशावादी नबन्न आग्रह गरे ।
मन्त्री ज्वालाले समाजवादी मोर्चा सरकार बलियो बनाउने र टिकाइरहने मात्रै नभइ गठबन्धनको दीर्घकालीन फाइदाका लागि बनेको बताए ।
प्रतिक्रिया