उपाधि विजे‍ता रियल मड्रिडसँगको अंक दूरी घटाउँदै बार्सिलोना

बार्सिलोनाले गएराति रियल बेटिसलाई उसकै मैदानमा हराएको छ। जारी स्पेनिस लिगको ३५ ‍‍औं खेलमा बार्सिलोनाले बेटिससँग कठिन २-१ को जित निकालेको हो।

बार्सिलोनाको जितमा ७४ मिनेटमा मैदान प्रवेश गरेका अन्सु फाती र जोर्डी अल्बाले गोल गरे। १-१ को बराबरीको अवस्थामा अल्बाले निर्धारित ९० मिनेटपछि थपिएको समयमा गोल गर्न सफल भए।

जितसँगै बार्सिलोनाले लिगमा ६९ अंक बनाएको छ। एक खेल कम खेलेको रियल मड्रिडसँग भने ८१ अंक छ। उसले यो सिजनको लिग जितिसकेको छ। बार्सिलोना अब दोस्रो स्थानका लागि संघर्षरत छ। त्यस्तो तेस्रो स्थानमा रहेको सेभिल्लाको ६४ अंक छ। उसले लिगमा अब चार खेल खेल्न बाँकी छ।