‘लकअप’को उपाधि मुनव्वर फारुकीलाई

काठमाडौं। बलिउड अभिनेत्री कंगना रणावतले सञ्चालन गरेको भारतीय रियालिटी शो ‘लकअप’को पहिलो सिजनको उपाधि मुनव्वर फारुकीले जितेका छन्। कार्यक्रमको फाइनलमा अन्य प्रतिस्पर्धीलाई पछि पार्दै फारुकीले उपाधि जितेका हुन्। शनिबार राति भएको ग्रान्ड फिनालेमा कंगनाले विजेताको नाम लिइन्।

फाइनलमा मुनव्वरका साथ अञ्जली अरोडा, पायल रोहतगी र शिवम् थिए। कार्यक्रम मार्फत मानिसहरूले मुनव्वर फारुकीको फरक पक्षलाई देखेर धेरै मन पराएका थिए। उनलाई सुरुदेखि नै कार्यक्रमको मास्टरमाइन्ट बताइएको थियो। त्यसैले धेरैले उनलाई शो को बिजेता मानिसकेका थिए।

यो कार्यक्रम ७० दिनसम्म चलेको थियो। कार्यक्रममा विजेता बनेका मुनव्वरले २० लाख नगद र एउटा कारसहित ट्रफी पाएका छन्। ट्रफी जितेपछि मुनव्वरले शो र उनका प्रशंसकलाई धन्यवाद दिएका छन्।