Developed By Kuldeep Sharma

May 12, 2022

एक सातामै ५ लाख बढीले छाडे काठमाडौं उपत्यका

काठमाडौं। वैशाख ३० गते (भोलि) हुने स्थानीय तह निर्वाचनका लागि काठमाडौंबाट भोट हाल्न घर फर्किनेको संख्या पाँच लाख बढी पुगेको छ। यो एक सातादेखिको तथ्यांक हो।

उपत्यका ट्राफिक प्रहरी कार्यालयका डीएसपी बालनरसिंह राणाका अनुसार २१ वैशाखदेखि २८ वैशाख साँझ ५ बजेसम्म ६६ हजार ६ सय २५ वटा विभिन्न प्रकारका सवारीसाधनबाट ४ लाख ३५ हजार ४ सय १ जना काठमाडौं उपत्यकाबाट बाहिरिएका छन्।

बुधबार मात्रै एकै दिन काठमाडौं उपत्यकाबाट ६७ हजार ५ सय ५४ जना बाहिरिएका डीएसपी राणाले जानकारी दिए।

स्थानीय तह निर्वाचनमा ६५ राजनीतिक दलले सहभागिता जनाएका छन् भने ठूलो संख्यामा स्वतन्त्र उम्मेदवार पनि प्रतिस्पर्धाका लागि मैदानमा उत्रिएका छन्। सबै गरी १ लाख ४५ हजार ११ जना उम्मेदवार निर्वाचनका लागि प्रतिस्पर्धामा छन्।

यो खबर पढेर तपाईलाई कस्तो महसुस भयो ?

प्रतिक्रिया

TOP

Developed By Kuldeep Sharma