काठमाडौं। अछामको बान्नीगढी जयगढ गाउँपालिकामा गठबन्धनका उम्मेदवारले अग्रता लिएका छन्।
गठबन्धनका तर्फबाट अध्यक्षका उम्मेदवार टेक बहादुर साउँदले ६ सय मत पाएका छन्। उनका निकटम प्रतिद्वन्दी एमालेका उम्मेदवार लोकबहादुर साउँदले ३ सय ९१ मत प्राप्त गरेका छन्।
उपाध्यक्षमा पनि गठबन्धनका उम्मेदवारले अग्रता बनाएका छन्। उपाध्यक्ष पदका उम्मेदवार निर्मला साउँदले ५४२ मत प्राप्त गरेकी छन् भने एमालेबाट उपाध्यक्षकी उम्मेदवार बिन्दु रावलले ४२४ मत प्राप्त गरेकी छन्। अहिले गाउँपालिकाको वडा नं. ६ दर्नाको मतगणना चलिरहेको छ।
वडाअध्यक्षमा माओवादी केन्द्रका जगत थापाले ५ सय३० मत ल्याउँदा एमालेका उम्मेदवार चङ्ख रावतले ४ सय ७ मत प्राप्त गरेका छन्। गाउँपालिकामा नेपाली कांग्रेस, माओवादी केन्द्र र नेकपा एकिकृत समाजवादीले चुनावी तालमेल गरेका छन्।
प्रतिक्रिया