काठमाडौं। बाल गायक प्रितम आचार्यको स्वर रहेको ‘आमा’ गीत सार्वजनिक भएको छ । मातातिर्थ औँशी अर्थात् आउँदै गरेको आमाको मुख हेर्ने दिनको अवसर पारे गीत सार्वजनिक गरिएको हो । गीतको भिडियोमा स्वयंम गायक आचार्यसहित रङ्गकर्मी सरस्वती अधिकारी, रौनक गर्तौला र अभिश्री बस्नेतको अभिनय रहेको छ ।
भिडियोको निर्देशन सन्तोष बस्नेतले गरेका हुन् । मातृत्व र एक सन्तानको आमाप्रतिको मायालाई गीतमार्फत प्रस्तुत गर्न खोजिएको छ ।रचना रुवि पाण्डेको शब्द रहेको गीतमा किरण कडेलको संगीत रहेको छ ।
प्रतिक्रिया