गगनले भने – ‘ओलीको समृद्धिमा अहंकारको भ्यूटावर छ’

काठमाडौं। नेपाली कांग्रेसका महामन्त्री गगनकुमार थापाले ओलीले भनेको समृद्धि र कांग्रेसले भनेको समुन्नतिमा धेरै भिन्नता रहेको बताएका छन्।

बुधबार पार्टीको सम्पर्क मञ्चले बत्तिसपुतलीमा आयोजना गरेको कार्यक्रममा थापाले यस विषयमा बालकोट गएर ओलीलाई ट्युसन पढाउने पनि बताए। ओलीले कांग्रेसले आफ्नो समृद्ध नेपाल सुखी नेपालीको नारा चोरेको आरोप लगाउँदै आएका छन्।

कार्यक्रममा थापाले भने ‘अलिकति भ्याएको बेला बालकोट गएर ट्युसन पढाउँछु। समृद्धिको आइडिया चोरेर लगिदेला भनेर अनिदो नबस्नु ससमृद्धि तपाईंकै आइडिया हो।’ यस्तै थापाले ओलीको समृद्धिमा अहंकारको भ्यूटावर रहेको बताए। ‘तपाईंको समृद्धिमा अहंकारको भ्यूटावर छ। हाम्रो समुन्नतको आइडियामा भ्यूटावरबाट देखिने मान्छेको दुख हल गर्ने उपाय छ।’ थापाले भने।