काठमाडौं। नेपाली राष्ट्रिय क्रिकेट टिमका पूर्वकप्तान पारस खड्का बागमती प्रदेश क्रिकेट संघको अध्यक्षमा निर्वाचित भएका छन्। प्रतिद्धन्द्धी उमेश पियालाई पछि पार्दै पारस अध्यक्ष निर्वाचित भएका हुन् ।
आज भएको चुनावमा पारसले २३ मत प्राप्त गरे भने पियाले १४ मत प्राप्त गरेका हुन्।
१३ सदस्यीय कार्यसमितिमा उपाध्यक्षमा प्रेमबहादुर क्षेत्री, सचिवमा प्रशन्न शाक्य र कोषाध्यक्षमा सञ्जय बस्नेत निर्वाचित भएका छन्।
त्यस्तै सदस्यहरुमा अजयवीर पाण्डे, सन्जोग पोखरेल, सुजन महर्जन, अनिल अधिकारी, धिरज श्रेष्ठ, शेखर श्रेष्ठ, अनुजमान श्रेष्ठ र बसन्तराज सत्याल ‘अरुण’ निर्वाचित भएका छन् भने नीरा राजोपाध्याय निर्विरोध निर्वाचित भएकी हुन्।
प्रतिक्रिया