काठमाडौं। एसिया कप क्रिकेटको खेलमा आज नेपालले बलियो प्रतिद्वन्द्वी भारतको सामना गर्दैछ।
एसिया कपमा भारतले १५औ पटक सहभागिता जनाइसकेको छ भने नेपालको यो पहिलो सहभागिता हो। आज हुने समूह ‘ए’ को अन्तिम खेल दिउँसो सवा ३ बजे श्रीलङ्काको क्याण्डीमा हुनेछ।
समूह ए बाट पाकिस्तानले ३ अंक जोड्दै सुपर फोरमा पुगिसकेको छ भने पाकिस्तानसँग पराजित भएको नेपाल अंक विहीन रहेको छ। । भारतले १ अंक जोडेको छ।
शनिवार भारत र पाकिस्तानबीच भएको खेल वर्षाका कारण रद्द भएपछि अंक बाडेका कारण आज भारतलाई नेपालविरुद्धको खेल जित्नै दबाब बढेको छ भने अंकविहिन रहेको नेपाललाई आजको खेलमा जित निकाल्नु निकै महत्वपूर्ण छ।
यस खेलबाट नेपाल र भारतमध्ये कुनै एक टोली ‘सुपर फोर’ चरणमा पुग्नेछ।
प्रतिक्रिया