मोटरसाइकल चोरी गर्ने पक्राउ

काठमाडौं । मोटरसाइकल चोरी गर्ने एक जना पक्राउ परेका छन्। सादा पोसाकमा खटिएका ट्राफिक प्रहरीको टोलीले काठमाडौं तार्केश्वर-५ लोलाङ हाइटस्थित सडक खण्डबाट मोटरसाइकल सहित २६ वर्षीय सुदास लामालाई नियन्त्रणमा लिएको हो।

वास्तिविक नम्बर परिवर्तन गरी लु ६४ प ७३७५ नम्बर राखेर कालो निलो रङको २२० सी.सी. को पल्सर मोटरसाइकल चलाइरहेको अवस्थामा उनलाई पक्राउ गरिएको प्रहरीले जनाएको छ। पक्राउ पर्ने लामा मकवानपुर ईन्द्रसरोवर गाउँपालिका-५ घर भई हाल काठमाडौं लोलाङ बस्ने गरेको कार्यलय प्रमुख प्रहरी वरिष्ठ उपरीक्षक उमेश राज जोशीले जानकारी दिए। मोटरसाइकलको वास्तविक नम्बर बागमति प्रदेश ०२-०२५ प १०१० रहेको खुल्न आएको छ।

पक्राउ भएको मोटरसाइकल ललितपुर गोदावरी नगरपालिका-८ डुकुछाप वस्ने नवराज घिमिरेले घरबाट हराएको निवेदन दिएका थिए। पक्राउ गरिएको व्यक्ति सहित उक्त मोटरसाइकललाई चोरी मुद्दामा अनुसन्धानका लागि प्रहरी परिसर जावलाखेलमा पठाइएको छ।