‘चोर नेताहरूलाई नो भोट’

काठमाडौं । हेटौंडा उपमहानगरपालिकाको एक मतपत्रमा मतदाताले भोट नदिएर नेताहरूलाई गाली गरेको भेटिएको छ। एक मतदाताले मतपत्रमा ‘चोर नेताहरूलाई नो भोट’ भनेर आक्रोश पोखेको भेटिएको हो।

हेटौंडा उपमहानगर-४ भुटनदेवी माध्यमिक विद्यालय मतदान केन्द्रको जारी मतगणनामा यस्तो मतपत्र भेटिएको हो। मतदाताले मेरो भोट, चोर नेताहरुलाई नो भोट भनेर लेखेका छन्। मंगलबार पनि सोही वडामा नो भोट लेखिएको मतपत्र भेटिएको थियो।