काठमाडौं। महाराष्ट्रको मुम्बईमा दादुराका बिरामी बढ्दै गएका छन्। सहरमा दादुराका १३ जना नयाँ बिरामी थपिएका छन् भने एक जनाको मृत्यु भएको छ।
बृहन्मुम्बई महानगरपालिका (बीएमसी) का अनुसार यस वर्ष हालसम्म दादुराका २३३ केस आएका छन् र कुल १२ जनाको ज्यान गइसकेको छ।
बीएमसीले प्रेस विज्ञप्ति जारी गर्दै बुधबार करिब ३० जना दादुराका बिरामी अस्पतालमा भर्ना भएको बताएको छ।
योसँगै २२ जना बिरामी निको भएर अस्पतालबाट डिस्चार्ज भइसकेका छन्।
बीएमसीको सर्वेक्षणमा १ सय ५६ जनामा दादुराको संक्रमण देखिएको छ । बालबालिका यो रोगको बढी जोखिममा छन्।
मुम्बई नजिकै भिवंडीमा बस्ने दादुरा आएका आठ महिनाको बालकको मंगलबार मृत्यु भएको छ।
नोभेम्बर २० मा, बच्चाको शरीरभरी दागहरू देखा पर्न थालेका थिए।
उनलाई मंगलबार साँझ बीएमसी अस्पतालमा भर्ना गरिएको थियो तर केही घण्टामै बच्चाको मृत्यु भयो। तर, अनुसन्धानपछि मात्रै मृत्युको कारण पत्ता लाग्न सक्यो।
अधिकारीले पछिल्लो २४ घण्टामा तीन लाखभन्दा बढी मानिसको स्क्रिनिङ गरेका छन्।
बीएमसीले भन्यो, ‘ज्वरो र शरीरमा दाग देखिएको सबै मामिलामा भिटामिन–ए का दुई डोज दिइँदैछ। दोस्रो डोज २४ घण्टाको अन्तरालमा दिइने गरिन्छ।’
प्रतिक्रिया