काठमाडौं । अछामको सदरमुकाम मंगलसेन नगरपालिकाको मेयर र उपमेयरमा एमालेका उम्मेदवार विजयी भएका छन्।
मेयरमा एमालेका उम्मेदवार पदमबहादुर बोहरा दोस्रो कार्यकालका लागि निर्वाचित भएका हुन्। उपमेयरमा एमालेकै संगीता रावल सोडारी विजयी भएकी छिन्। बोहराले ५ हजार ७ सय ३७ मत प्राप्त गरे भने उनका निकटतम् प्रतिद्वन्द्वी कांग्रेसका नमबहादुर शाहीले ५ हजार २ मत प्राप्त गरे। उपमेयरमा एमालेकी उम्मेदवार सोडारीले ५ हजार ७ सय १९ मत प्राप्त गरेर विजयी भइन्।
उनका निकटतम प्रतिद्वन्द्वी एकीकृत समाजवादीका बम रावलले ३ हजार ७५ मत प्राप्त गरेका थिए। बोहोरा ०७४ को निर्वाचनमा पनि विजयी भएका थिए। मंगलसेनमा १४ वडामध्ये १० मा एमाले र बाँकी चारमा कांग्रेस विजयी भएको छ।
अघिल्लो निर्वाचनमा कांग्रेस ९ वडामा विजयी भएको थियो। मंगलसेन नेपाली कांग्रेसका जिल्ला सभापति पुष्पबहादुर शाह र उपसभापित चन्द्रप्रसाद ढुंगानाको पालिका हो। शाह र ढुंगानाको वडा मंगलसेनमा पनि एमालेले जितेको छ। उक्त वडा नम्बर ५ यसअघि कांग्रेसले जितेको थियो। कांग्रेस अछामका सभापति पुष्पबहादुर शाह र उपसभापति चन्द्रप्रसाद ढुंगानाको वडा हो।
प्रतिक्रिया