काठमाडौं। निर्वाचन आयोगले आगामी वैशाख १० गते हुन लागेको उपनिर्वाचनका लागि दल दर्ता गर्न आह्वान गरेको छ।
आयोगले एक सूचना जारी गर्दै चैत ८ गतेदेखि १२ गतेसम्म दल दर्ताको मिति तोकिएको जनाएको छ। प्रतिनिधि सभा सदस्यका लागि तनहुँ निर्वाचन क्षेत्र न. १, बाराको २ र चितवनको २ मा उपनिर्वाचन हुन लागेको हो। विभिन्न कारणबस प्रतिनिधि सभा सदस्यको पद रिक्त भएपछि उपनिर्वाचनका लागि आयोगले दल दर्ताको आह्वान गरेको हो।
तनहुँ १ का प्रतिनिधि सभा सदस्य रामचन्द्र पौडेल राष्ट्रपति, बारा २ का रामसहायप्रसाद यादव उपराष्ट्रपति र चितवन २ का प्रतिनिधि सभा सदस्य रवि लामिछाने नागरिकता विवादमा दोषी ठहर भईपदमुक्त भएपछि उपनिर्वाचन हुने भएको हो।
प्रतिक्रिया