आज नेपाल र आयरल्यान्डबिच खेल हुदै

काठमाडौं। आज नेपाल ‘ए’ र आयरल्यान्ड वल्भ्सबिच टि२० सिरिजको पहिलो खेल हुदैछ। बिहिबार हुने भनिएको खेल लगातार वर्षाका कारण रद्ध भएपछि आजका लागि तय भएको हो। खेल दिउँसो १ बजे टियु क्रिकेट मैदानमा हुने छ।

क्यानले खेलको तालिका सार्वजनिक गर्दै शुक्रबारदेखि टि२० सिरिज सुरु हुने जानकारी दिएको थियो। दुवै टि२० र एकदिवसीय सिरिजमा ३ – ३ खेल आयोजना गर्ने लक्ष्यसहित नयाँ तालिका सार्वजनिक गरिएको छ। नयाँ तालिकामा क्यानले उल्भससँगको तीन खेलको टि२० श्रृंखलालाई निरन्तरता दिएको छ। तालिकाअनुसार, नेपाल र उल्भसले आज पहिलो, शनिबार दोस्रो र सोमबार तेस्रो खेल खेल्नेछन्। टि२० श्रृंखलापछि यी दुई टिमले तीन खेलको एकदिवसीय शृंखलामा प्रतिस्पर्धा गर्नेछन् एकदिवसीय श्रृंखला बुधबारदेखि सुरु हुनेछ।

नेपाल र आयरल्यान्डको दोस्रो रोजाइको टोली रहेपनि दुवै टोलीमा सिनियर टोलीबाट खेलेका आधा दर्जन भन्दा बढी खेलाडी सहभागी छन्।

यस अघि भएको दुवै खेलमा आयरल्यान्ड ‘ए’ नेपालको सिनियर टोलीसँग पराजित भएको थियो।