काठमाडौं। नेपाल ए ले पहिलो टी–२० अभ्यास खेलमा आयरल्यान्ड ए विरुद्ध टस जितेर पहिला फिल्डिङ गर्ने निर्णय लिएको छ।
बिहीबार वर्षाको कारण रद्द भएको खेल आज हुन लागेको हो। त्रिवि क्रिकेट मैदानमा भएको टसमा नेपालका कप्तान विनोद भण्डारीले टस जितेर पहिला फिल्डिङ गर्ने निर्णय लिएका हुन्। नेपाल ए र आयरल्यान्ड ए बीच समान तीन टी–२० र एक दिवसीय सिरिज हुनेछ।
क्यानले खेलको तालिका सार्वजनिक गर्दै शुक्रबारदेखि टि२० सिरिज सुरु हुने जानकारी दिएको थियो। दुवै टि२० र एकदिवसीय सिरिजमा ३ – ३ खेल आयोजना गर्ने लक्ष्यसहित नयाँ तालिका सार्वजनिक गरिएको छ। नयाँ तालिकामा क्यानले उल्भससँगको तीन खेलको टि२० श्रृंखलालाई निरन्तरता दिएको छ। तालिकाअनुसार, नेपाल र उल्भसले आज पहिलो, शनिबार दोस्रो र सोमबार तेस्रो खेल खेल्नेछन्। टि२० श्रृंखलापछि यी दुई टिमले तीन खेलको एकदिवसीय शृंखलामा प्रतिस्पर्धा गर्नेछन् एकदिवसीय श्रृंखला बुधबारदेखि सुरु हुनेछ।
नेपाल र आयरल्यान्डको दोस्रो रोजाइको टोली रहेपनि दुवै टोलीमा सिनियर टोलीबाट खेलेका आधा दर्जन भन्दा बढी खेलाडी सहभागी छन्।
यस अघि भएको दुवै खेलमा आयरल्यान्ड ‘ए’ नेपालको सिनियर टोलीसँग पराजित भएको थियो।
प्रतिक्रिया