ओपनर लोकेशको शतक पुरा

काठमाडौं। नेपाल‘ए’का ओपनर लोकेश बमले आयरल्यान्ड उल्भ्सविरुद्ध शतक प्रहार गरेका छन्।

आज त्रिवि क्रिकेट मैदानमा जारी खेलमा विनोद भण्डारीसँग ओपनिङ जोडिमा उत्रिएका उनले ५२ बलमा ८ चौका र ८ छक्का प्रहार गर्दै १०१ रन बनाएका हुन्। मैदानमा आरिफ सेखको आगमनपछि बमको खेल रोचक र आक्रामक बन्दै गएको छ।

उनले १३औँ ओभरको अन्तिम बलमा क्याच जोगिएपछि जीवनदान पाएका थिए। आयरल्यान्डका फिल्डर म्याथ्युज ६८ रनमा बमलाई क्याच गर्न असमर्थ रहे।