गोरखा । अजिरकोट गाउँपालिका-१ घ्याल्चोकमा नेपाली कांग्रेसका कार्यकर्ताले नेकपा माओवादी केन्द्रका कार्यकर्तामाथि आक्रमण गरेका छन्।
बुधबार राति कांग्रेसका कार्यकर्ताले माओवादी कार्यकर्तामाथि आक्रमण गरेका हुन्।
वडा १ का वडाध्यक्षका उम्मेदवार ओमबहादुर गुरुङको नेतृत्वमा तिलबहादुर गुरुङ, दुम्सी भनिने टेकबहादुर गुरुङ, दिप घले, डिलराज गुरुङ, भरत गुरुङ, बुध कुमारी गुरुङ, रमा गुरुङ र कुमारी गुरुङ लगायतले राति ८ बजेतिर खाना खाइरहेको समयमा खुकुरी, ढुङ्गा, चिरपट हातियार प्रयोग गरी आक्रमण गरेका हुन्।
आक्रमणबाट माओवादी केन्द्रका कार्यकर्ता विष्णु भुजेल र बेलबहादुर गुरुङ गम्भीर घाइते भएका छन्। जौवारी स्वास्थ चौकीमा प्राथमिक उपचारपछि उनीहरूलाई गोरखा अस्पताल लगिएको प्रहरीले जनाएको छ। आक्रमण भएको स्थानमा अहिले प्रहरी परिचालन गरिएको छ।
प्रतिक्रिया