सुर्खेतमा सवारी दुर्घटना‚ ७ जना घाइते

काठमाडौं। सुर्खेतमा मिनीबस दुर्घटना हुँदा ७ जना घाइते भएका छन्। शुक्रबार बिहान पञ्चपुरी नगरपालिकाको बाबियाचौरबाट वीरेन्द्रनगर आउँदै गरेको कर्णाली प्रदेश ०२११ ख ०१६१ नम्बरको फोर्स गाडी दुर्घटनामा परेको जिल्ला प्रहरी कार्यालय सुर्खेतले जनाएको छ।

घाइते ३ जनाको सालकोट र ४ जनाको कालागाउँ अस्पतालमा उपचार भइरहेको प्रहरी कार्यालयका प्रहरी निरीक्षक पर्शुराम चौधरीले बताए। उनका अनुसार घाइते सबैको अवस्था सामान्य रहेको छ।

प्रहरीले चालक अम्मरबहादुर बुढालाई नियन्त्रणमा लिएर अनुसन्धान भइरहेको जनाएको छ।